170
REGISTRES DU BUREAU
[-549]
pour faire entendre qu'en Paris consiste la princi­pale force du Royaulme. Et pour venir à la des­cription de cest avant portail, son diamètre par terre estoit de dix piedz en largeur, l'ouverture de dix neuf de hault sur huit de large et de trois toises d'espoisseur; aux deux costez des pilles estoient deux stilobales ou piedestatz de proportion diagonée, enrichiz de convenables moulures, sur lesquelz po-soient deux grans collosses d'hommes, "vestuz à la rustique, portans treize piedz en haulteur, mys en lieu de coulonnes persanes ou cariatides, leurs bases doriques entierement couvertes d'or, comme aussi estoient leurs chappiteaulx garnyz de frize, armilles, balancier, astragalle ou talus, plinte, doulcine et tallouer; iceulx collosses tenans entre leurs mains chascun ung grant croissant d'argent, qui avoient pour le moings cinq piedz de dia­mètre, dedans lesquelz estoit escript en lectre rom-maine : Donec totum impleat orreji, qui est la devise du Roy. Le linge de drapperye dont ilz estoient vestuz ne cedoient aucunement aux parures naturelles, ains avoient leurs lineamens oupliz gai­gné si bonne grace par l'artiffice du gentil ouvrier C, qui en avoit eu la conduicte, que les plus expers en sculpture y prenoient merveilleusement grant plai­sir. Quant est de leurs cheveulx et barbes, cela estoit si bien mené et renfondu par vraye intelli­gence que sembloit proprement que le vent les feist mouvoir. Par dessoubz les panneaulx de joinct de la rustique, terminans sur la circunference de l'arc, passoient l'arequitrave, la frize el la corniche, dont les exlremitez se pouvoient veoir dessus les chappi-taulx. Dedans le plat fons du frontespicq estoit ung grant escu aux armes de la Ville, enrichy de deux branches de palme pour emplir le vuide du timpan, et sur ce frontespicq estoit levé ung sodé ou bien face quarrée painte de pierre de mixture f2', dedans la­quelle y avoit ung cartoche à l'antique, soustenu par deux manequains assiz et appuyans leurs gaulches sur le glaciz de la couronne, et sur le champ de ce cartoche couché de noir estoit escript en lectre d'or:
Trahijiur sequimurque volentes, hémistiche certes convenant merveilleusement bien à quatre personnages en profil, plus grands que le naturel, eslevez sus ce sodé, vestuz selon leur qua­lité, assavoir: ung en la maniere que l'on veoit
ordinairement noz evesques et prelatz; aussi repre-sentoitil l'Eglise; ung autre armé à l'antique, por­tant cymeterre au costé, siguiffiant Noblesse; le tiers vestu comme les courtisans qui sont près la personne du Roy, dénotant Conseil ; et le quart ha­billé en vigneron, tenant une houe en sa main, qui demonstroit Labeur. Ces quatre faisans contenance de marcher franchement et à grant pas, les mains tendues, devers ung Hercules de Gaulle estant de front au meilleu d'eulx, dont le visage se rappor­toit singulièrement bien à celui du l'eu Roy Fran­çoys, prince element en justice, restaurateur des bons artz et sciences, mesmes plus éloquent que autre qui ayt regne eu France devant luy, depuis le premier jusques au dernier. Cest Hercules es­toit vestu de sa peau de lyon, les pattes nouées sur l'extrémité du buste, pour cacher la partie que commande nature, tout le reste de son corps nud. En sa main droicte tenoit en lieu de massue une lance entortillée d'ung serpent recouvert d'ung ra­meau de laurier, signiffiant que prudence en guerre est occasion de victoire. En la gaulche il tenoit son arc et portoit en escharpe une grosse trousse plaine de fleiches ; de sa bouche parloient quatre chesnettes, deux d'or et deux d'argent, qui s'alloient atacher aux oreilles des personnages dessus nom­mez. Mais elles estoient si très lâches que chacun les povoit juger ne servir de contraincte, ains qu'ilz estoient voluntairement tirez par l'éloquence du nouvel Hercules, lequel a faict fleurir en ce Royaulme les langues hébraïque, grecque, latine, italienne, espaignolle et germaine, mesmement Ia françoise qui par avant estoit assez champestre; mais au moyen des bons ars et sciences qui luy ont esté communiquez par la dilligence de ce bon Roy, non jamais assez louable, elle s'est tant enrichie de termes propres et signiflicatifz que maintenant luy est loisible de dire tout ce que bon luy semble, en quelque matiere que ce soit, aussi nayvement que aucunes des modernes. Mais soit assez dit de cecy pour venir à desduire que à la clef de cest arc pen­doit ung tableau à fons noir, enrichi de ce quatrin escript en lectre d'or :
Pour ma Doulce éloquence et royale bonté, Chascun prenoit plaisir à me honorer et suivre, cllascun voyant aussi mon successeur «'ensuivre, L'honnorer suis contrainct de franche volunté'3).
O L'illustre sculpteur, architecte et graveur, Jean Goujon (i5i5-i572), comme nous l'apprend le Registre de Comptes. (2) La description de ce monument fournie par le Registre de Comptes emploie la même expression. W Ce dernier vers est ainsi corrigé dans la description fournie par le Registre de Comptes (KK 286, fol. 57 v°) : L'honore et suyt, contrainct de franche volunté.